*شاهيناز القرشي*
تخيل حمدوك واقف مع الدعم السريع كان الحايحصل شنو؟؟ كان زمااان اعلن قوات الدعم السريع كحرس ثوري، وكنت لقيت الرافال الفرنسي والبحرية الأمربكية بدعموا شرعية حمدوك، وفي دول اقليمية وعالمية كانت حاتقيف مع الدعم السريع بوجه مكشووووف ويقولوا نحن بندعم الشرعية في السودان، عايز تجي تورجغ وتقول لي ثورة شنو؟ ونحن ثوار، وحرس ثوري كيف؟ ونننني نني نني، تسمح اقولك؟ كلامك دا عند العالم ما بعني شيء في مقابل شرعية حمدوك ، تعتبر معارض للنظام، عادي يعني
الموقف الوطني العملته تقدم ممثلة في الاحزاب الكونت صمود برفضها لأعلان انحيازها للدعم السريع لو فضلتوا عمركم كله تشكروهم عليه ما حاتوفوا حقهم، ولكنكم لا تعلمون.
وكل اعتراضاتك على تقدم مبنية على تحليلات الكوز لمواقف تقدم، او تحليلات قوى سياسية اخرى خايفه ومرعوبة من عودة القحاتة.
لكن لو سألتك اديني موقف حقيقي مثبت عندك بالدليل موقف واحد لتقدم دعمت فيه الجنجويد مااا حاتلقي، انت ماسك لي في كلمة (يعني) عملوا كدا يعني كدا، عملوا كدا يعني كدا، مع انه ممكن بعني شيء اخر لكن انت ماسك في يعني الادوك ليها جاهزه ما حاولت تفسر بمعانيك انت او تاخد الموقف بدون (معنيات ) وياخي اعتبر الموقف بعني حقيقته فقط.
مثلاً ادانة تقدم لاستخدام السلاح الكيماوي ، الكوز قال ليك تقدم مشت اشتكتنا
يا استاذ الأمم المتحدة عندها اثباتات عن استخدام الكيماوي، ولو بتتذكر الصحفي بتاع نيويورك تايمز الكان في السودان في مناطق سيطرة الجيش وكان بتحرك بمساعدة الجيش الصحفي الكان النشر التقرير عن استخدام الاسلحة الكيميائية، وفي عدد من المسؤلين في هيئة حظر استخدام الاسلحة الكيميائية ، وفي منظمة العفو الدولية وفي الجيش الأمريكي، صرحوا بامتلاك ادلة موثقة لاستخدام الكيماوي في السودان، اسي خالد سلك لو مشى الأمم المتحدة وقال ما حصل، حايكون زيو وزي الاسطراطيجين البطلعوا مع احمد طه ويبهدلهم، ويطلعهم كذابين، ولمن تكذب لستر جريمة مثبتة معناها انت شريك في الجريمة،او بتدعم استمرار الجريمة. وعند البلابسة مفروض البرهان يحاكم تقدم بالخيانة العظمى وتقدم تمشي الأمم المتحدة تقول انا شريك في جريمة استخدام الكيماوي
ارجع اقولك يا جميل كلك سيعود السودان افضل مماكان يوماً سيعود السودان .
عندي ليك سؤال تفتكر ليه العالم بحترم القحاتة وبستقبلهم؟؟ تعال جاري تعال وقول لي عشان( عوملا) طيب اسألك؟ اسي في السودان الكيزان ومعاهم (بعض) خلينا نقول بعض الموجودين في الجيش عندهم استعداد يسلموا اااي شيء لي اي دولة مقابل الدعم العسكري واللوجستي ، يبقى هنا العالم اصلاً مامحتاج لعمالة القحاتة الموجودين خارج السلطة، لانو في زول ماسك اي شيء وعنده استعداد يسلمهم اي شيء، وانت زاااتك حاتصفق له عشان باع اي شيء وجاب دعم يساهم في استمرار البلبس، ياخي انتوا بتطلعوا تكوركوا في اللايفات ليه ما سلمتوها روسيا؟ طيب نادوا الصين ؟ليه ما ما اديتوا الدولة الفلانية الحاجة الفلانية؟ خليها تدعمنا بس،والبقول كدا بتعتبروا كاهن وسياسي خطير .
لو الاحترام والاستقبال لتقدم هو استقبال واحترام لعملاء لكان البلابسة وكيزانهم اولى.
