بعانخي برس
العيد مزيج حالين
كانت فرحه مسكونه في عيون الاطفال
وكانت لمه مرسومه في حيشان مرشوشه …
كانت غنيه تطل من الشباك وتعاين الشارع الفرحان بالعيد وسعيد ..
ناس تتسالم وناس تتقالد وناس تتبارك في زحمة الضيفان .
كان الحال فى بلدى السودان وكل الاوطان …
العيد الجانا الان مرشرش دم وفراق حبان وشتات الناس فى القرى والبلدان
ناس نازحين وناس لاجئين وناس زاتو ما عارفين ….
جانا العيد مكسور الخاطر يحاول يطبطب علي الاحزان ..
جانا العيد ودم الجروح نازف وكل الأرواح مليانه اوجاع ….
ما بنقول معليش ياعيد
نفتح بابنا ونستقبل الفرح التائه بلا عنوان
وبكل لغات الكون نقول ربنا ينتقم من كان سبب في توزيع الاحزان وتبا تبا للكيزان ودعمهم الحأئم في الحيشان وقيادات عسكر الفشل الخذلت الناس ….
برضو صباحات عيد سعيد وكل عام وانتم والوطن تتعافون وتكتسون بالجمال …..
