،@، النطق حكما بالاعدام شنقا حتي الموت تهتز له الابدان وترتجف.. وعندما تقيد السلاسل بايدي المحكوم عليه بالاعدام، تدور الساعة للوراء فتاكل عقربها الساعات والدقائق والثواني، ويبقي السجين داخل الزنزانة في انتظار الجلاد ليقوده لساحة المشنقة..فتمر عليه اللحظات ببطء..
.@. الحرس يفتح باب الزنزانه بحركة هستيرية ليدخل عليه بخطوات مثقلة بالهموم..
..@ ينهض مترجلا خائفا يخطو خطوة ثم يتوقف برهة.. الجلاد ممسكا بذراعية وسلاسل الحديد تحدث اصواتا صاخبة.. كلهم يمدون رؤسهم من خلف النوافذ والابواب الحديدية.
..@.ليه كدا بس..انت عملت كدا ليه في البلد. َدي مش حرام عليك؟؟
@..ينادي اخر.. والله انااا لمن كانوا المتمردين الدعامه في الحي صاحبتهم واكل وشربت معاهم وكَمان ارشدتهم لي بيوت العساكر والناس العندهم قروش والمسئؤلين وسرقت البيوت شفشفت كمان كدا.. واسع ادوني المؤبد، انا استاهل والله، ما قلت خلاص الدعامة حايمسكوا البلد دي لكن اتمسكنا نحن…وهم فاتوا وانجغموا كمان
..@ صوت من الطرف الاخر.. والله سامحوك مؤبد بس @@ انت تستاهل قطع رقبة عديييل، انت احسن ليك الموت من الحكم دا.. حا تموت في اليوم الواحد مليون مرة.. ما تفتكر خيانة الوطن فيها عفو عام موت موتك ساااكت..
..@ واخر ينادي مالكم ياجماعة مسودين علينا الدنيا انا لسع ما قدموني للمحكَمة بس انا كنت لابس كدمول وواقف في الارتكاز واشيل من العربات قرصة.. اسع انا خايف شديد والله…
..@ ينادي ذاك بصوت عال.. قال خايف قال، لبست كدمول وكمان صبيتا في الارتكاز وعملت قرصات لزوم مصاريف وكداا يافردة، انا زيك واحد القاضي ختي ركزه المادة 186/26/51/50من القانون، يعني ما طالع منها ما طالع.. وانت زي عدييل يافردة، امشي سااااكت نحنا متورطين متورطين ياصديق…
@..يفتح باب حجرة الاعدام، يخرج الجلاد قابض علي سجارته وعيناه محمره ومن خلفه يتقدم رجال يرتدون البنطال وربطات العنق واخر يرتدي جلابية بيضاء وبيده كتاب ولفافة ورق ابيض.
@.. ليعم المكان الصمت والخوف..
…@ فيصيح احدهم بصوت عال.. خلاص اعدموهو والدور جاي علينا ودا حال اي زول اتعاون مع الدعم السريع والمتمردين.. سامحنا يارب.. سامحنا يارب….
(خمة نفس)
المدرسة الشرقية (العدوية المزدوجة بنين وبنات) في قلب سوق ودمدني العمومي انتفي دورها تماما كموقع تعليمي تربوي بانتفاء مربع (50) بتغير الغرض من سكني لاقتصادي يااا والي الجزيرة أليس من الاجدر توزيع التلاميذ جغرافيا ياوزير التربية والتعليم ام مازال في قعر السعن روااااااب.
(خمة نفس)
تعظيم سلاااام للقضاء وقضاة وشرطة المحاكم في ولاية الجزيرة بودمدني الذين يعملون في صمت وهم يقدمون كل جهد لتثبيت العدالة، ومن امامهم كثيرا من قضايا وملفات المتعاونين مع مليشيا الدعم المتمردة.
