شظايا الحروف ــ خليل فتحي خليل ــ شعب السودان اقوي (رغم المر مر العيد).؟ ــ بعانخي برس

في ظل الاوضاع التي يعيشها الوطن الحبيب السودان في كل الاتجاهات جاء العيد وحزن النفوس مستقر لا يبارح مكانه بسبب الهجمة البربرية لمليشيا لا اصل لها في الوجود..
دخلوا الحياة ودمروها بكل قوتهم المصطنعة التي صنعتها لهم دول الاستكبار ودول الصلف الصهيوني.

التحية لمؤسسة السودان العسكرية والتي لولاها لما تذوقنا طعم العيد. رجالا ثبتوا وتكتكوا ووضعوا الخطط لتخرج مليشيات الدعم السريع منهزمه ومقهوره.. رجعوا الي مربعهم الاول حروب وهمبتة الصحراء..
واثبتت المليشيا ان لا عهد ولا دين لها… لانهم لاخير لهم حتي في اهلهم واقرب الاقربين لهم.

وهاهو العيد جاء واقبل وانتهي وادبر ونحن نري خارطة الوطن تنظف كليا من شاربي دم الابرياء.

جاء العيد والشعب السوداني هو شعب صانع المعجزات شعب يخلق الفرح حتي من بين ركام الموت. الحياة عادت لطبيعتها في اغلب مدن السودان والبعض رجع الي دياره طوعا غير مكره.
وكلنا نعلم ان فاتورة الاعمار اقسي من فاتورة الحرب.
والمرحلة القادمة هي مرحلة اعمار ومرحلة بناء وكلنا (واطون) علي جمرة تحرير الوطن السودان.
ونقول لهؤلاء الشراذم من الدعم السريع ايه رايكم بعد رجوعكم لاماكنكم الطبيعية وجعل الله كيدكم في نحوركم اين ما ذهبتم.

ونقول لكل باقي دخيل كلمات نشيد علم السودان
(هذه الارض لنا فليعش سوداننا علما بين الامم)

ويا ملايش الدعم السريع اذهبوا الي الجحيم لانكم من الجحيم واليه ترجعون .