طه عواض
( اول امشي اعرف الحاصل شنو!!! )
…
مفوضة العمل الإنساني سلوي آدم بنيه
سألها احد المأجورين في تسجيل فيديو
عن كيف انها تجي للمؤتمر وحكومة البرهان ماتمت دعوتها رسميا!!
وكان رد أستاذة سلوي ليه بكل جديه بي ابتسامه جميله وساخره
(اول شي أمشى اعرف الحاصل شنو )
…
لمن لا يعرف ان استاذه سلوي
هي نفسها من وجهت نفس السؤال بتاع السوداني دا إلى رئيس #فرنسا إيمانويل #ماكرون حول
عدم دعوة حكومة #السودان الى #مؤتمر_باريس فى ظل وجود اكثر من ٢٢ دولة بشكل رسمي وجاء رده
أنها (اي حكومة برهان)فقدت شرعيتها بانقلابها علي المدنيين في أكتوبر ٢٠٢١م.!!!
ودا ما رأي ماكرون براه …بل راي العالم كله
…
والسوداني دا ماعارف برغم انه قاعد في فرنسا!!!
ماعارف انو السودان يمر بوضع كارثي
١٨ الف قتيل
٢٨ الف جريح
٨ مليون نازح ولاجئ في ٥ دول مجاورة
١٨ مليون طفل فاقد للرعاية الاساسيه
توقف ٩٠ بالمئه من الإنتاج.
تدمير ٧٠ فى المائه من البنية التحتيه
والكارثه الاكبر انو ثلثي الشعب السوداني مهدد بمجاعه حقيقية
والسوداني دا ماعارف!!!؟
تقدم مشت فرنسا عشان تتكلم في الأوضاع الإنسانية وتناقش أوضاع فى السودان وفيها أشخاص( بقيادة المؤسس عبد الله حمدوك) العالم بعترف بيهم كاخر حكومة شرعية جات بالثورة وقدمت برغم القيود عليها انجازات اهمها جدولة ديون من السبعينات وإزالة السودان من قائمة الدول الراعية للإرهاب وجذب الإستثمار العالمي وغيره من الانجازات
وقدرت انها بعد اللقاء الميمون دا تستقطب ٢ مليار دولار للمساعدات الإنسانية في السودان
في حين انو حكومة البرهان المسؤوله عن الحرب بتشتري بماتبقي من أموال فى السودان المتبقيه السلاح بدلا من الدواء والغذاء في فضيحه كبري كشفها الاعلام العالمي بعد ان قامت دولة شقيقة بمنع باخرة مليئة بالسلاح تتبع للحكومة الغير شرعيه وعدم السماح لها بالمرور في مياهها للسودان .
التحيه لاستاذة سلوي والتحيه لتقدم
ولا عزاء للبلابسه وعلي راسهم اعلام المؤتمر الوطني
والسبعه أشخاص المأجورين الاتظاهرو ضد تقدم في باريس الاتفضحو بي الفاظهم ولغتهم السمجه المابتشبه الشعب السوداني وعددهم البسيط مقابل
الالاف السودانيين الخرجو في تظاهرة سلميه في نفس اليوم في باريس ضد الحرب.
قبل ما تتفاصح وتخون وتشكك في الناس الرافضه للحرب والساعيه لايقافها عزيزي الكائن المنقرض الببغاء المردد لتفاهات الكيزان والبلابسه
أستاذة سلوي آدم بنيه
بتقول ليك
امشي اعرف الحاصل شنو
والمثل زمان كان بقول
اثنان لا يتعلمان
مستحي ومتكبر
و حسى بقو ثلاثه لايتعلمون
مستحي ومتكبر وبلبوسي
#الوطن_اولا
