*روايات للموت والنزوح*
✍️ نصرالدين النويري
=============
سكن البيوت أشباح
فقدنا احساس الألم
جوانا من كتر الجراح
مانحن من طين الشقاء،،
غيرت ملامحها الشوارع
خيمت فيها المواجع
كل المدن عرجااااااء،،
صارت الضحكات سجينة
وصبحت الأيام حزينة
خالية من طعم الغناااااء،،
😥😥😥😥😥😥
مكتوب علينا نعاني
نهاجر لي وطن تاني
نتوه بين الوادي والصحراء،،
اصبحنا في غربة وشتات
واتوسد الليل السكات
اتلاقي صيفنا مع الشتاء،،
ومشينا في رحلة ضياع
ابطالها أطفالنا الجياع
رحلة زي سفر الجفااااااء،،،
مقيلنا في ضل الرهاب
ولحافنا اكوام من تراب
ورفاقنا من جيف الخلااااء،،،
😥😥😥😥😥😥
رواية القلب الجريح
المسرح المد الفسيح
والمشاهد في العرااااااء،،
اطياف من أسر وأقارب
أسراب من صقور وعقارب
في برزخ الموت والخفاااء،،
لاخيمة تستر في الهجير
لا لقيمة للطفل الصغير
كالحة وجوهنا كالبؤساء ،،،
لا ساقية،، لابير،، لا حفير
مات من العطش النزير
زرفت دموع النساااااااء،،،
😭😭😭😭😭😭
ومشهدحزين مختلف
زول حنين مليان ولف
حاضن الألم كاتم البكاااااء،،
صابر يصارع في المرض
ماعنده غير حبة قرض
عايش على أمل الشفااااء،،،
وعجوز فقير ماعنده حيلة
كايسلو بس كمشة بليلة
في تكية الحي الوراء،،،
🔹🔸🔹🔸🔹🔸
الموت والحريق في الريف
جثث مرمية على الصريف
كأنو عادت كربلااااااء،،،
من أجل من دفعوا الثمن
من أجل من لبسوا الكفن
ولحقوا بزمرة الشهداااااء،،،
غير انهم في أرضهم
ثابتين تمام على عرضهم
كذلك ديدن الشرفاااااء،،
🔸🔹🔸🔹🔸🔹
لكن برغم المحن صامدين
ورغم النزوح،، صابرين
صابرين علي عظم البلاء ،،
إيماننا راسخ كالجبال
رغم ليل الشدة طال
فالليل يعقبه الضياااااء،،
🌞🌞🌞🌞🌞
راجين رجوعنا،،
لي واحة ربوعنا،،
لا ملينا لا انقطع الرجاااااء،،
كملت عافيتنا ماكمل الصبر،،
لسة املنا ينجبر الكسر،،
وعشمنا في رب السمااااء،،
الرحمة من رب العباد
الرب كريم الرب جواد
بعد المحن يهب العطااااء،،
🔸🔹🔸🔹🔸🔹
باكر نعود لي ديارنا
لي لمتنا لي اسمارنا
لي ارضنا السمراااااء،،
باكر بتلتئم الجراح
وترجع أنفاس الصباح
ويتنفس العطر الفضااااء،،
في رونق الصبح البديع
تشجينا الحان الربيع
نتسامي نفرح باللقااااء،،
🌹🌹🌹🌹🌹🌹
