عفاف عدنان
حكاية جمع الشمل….!
لما كنت فى السودان الشهر الفات ..مشيت لى واحدة حنانة…ونحن بنعرف بعض من بعيد كدة…قعدت تسألني عن المانيا واهو بنتونس..
فى واحدة كانت قاعدة قامت سألتني
كيف اللجوء لالمانيا؟
قلت ليها صعب ..بس ما مستحيل..حسب ظروفك…قامت قالت لى انا بربي تلاتة اطفال أيتام…
حنيت على سنها الصغيرة..(منتصف التلاتينيات)..وقلت ليها حأسأل ليك..زوجك مات .كيف ؟ قالت لى فى حادث..وواصلت…
وفى طريقة جمع شمل ؟ 😳 قلت ليها شنو ؟ قالت لى اصلى اتزوجت تاني وكان بيضربني…مرة خليتوا نايم وعوقتو وجريت بيت أهلى…عرفت انه ودوه المستشفى بس ما عارفة حصل ليه شنو…لكن الواطى لا بسأل من ولدو ولا برسل مصاريف…🤔
سألتها ودة عايزة تعملى ليه جمع شمل ؟ قالت لى ..لأ لى زوجى الحالى ابو الولد الصغير…😗..بس انتى شوفى البتقدرى تسويه لى شنو…وقامت لبست وكانت منقبة…ما عارفة ليه زى الما عايزة زول يعرفا…
تاني جات راجعة وقالت لى .. الاخير دة زاتو ما نافع مشى الدهابة وما برسل لينا…ممكن اسوق اخوي بدله ؟!
